أبرز تصريحات شيرين عبدالوهاب خلال الساعات الماضية بعد تصدرها الترند..

وكشفت شيرين عبدالوهاب، عن استيائها من السنوات الأخيرة في حياتها، قائلة: «مش عايزة آخر 10 سنين في حياتي وربنا هيجيبلي حقي من اللي زعلني.. أنا شوفت وحش كتير أوي في حياتي، ومركزة في شغلي من وقت ما رجعت من الأسر اللي كنت فيه، وهو عندي أهم حاجة».

وأضافت شيرين عبدالوهاب: «عملت في مشواري اللي رضاني وبسط جمهوري ودلوقتي لازم أركز مع عيلتي»، مشيرة إلى أمنيتها في تقديم هذه الأعمال متابعة: «نفسي أقدم دور فلاحة، أو بنت صعيدية هيكون فيه لهجة، عايزة الدور يكون مختلف تماما عن طريقي، وميكونش قصة صعود».

وعن كواليس مشاركة ابنتها “هنا” في أغنية “قالك نسيني”، وقالت: “أنا كنت عند الموزع توما صاحبي وحبيبي وهو سمع لي الأغنية وأنا عنده عجبتني جدا وقلت له أنا مسافرة وياريت تشتغل في التوزيع وأخذنا الطبقة، وبعدين رجعت كانت هنا معايا لأني لما بنزل بالليل مش بحب أسيبها لوحدها وهي كانت ساعتها قاعدة معايا ومريم كانت قاعدة مع باباها، فأخذتها معايا وكانت كسلانة قلت لها فوقي أنتي هتغني معايا“.

وتابعت شيرين عبد الوهاب: “هي أديت للأغنية دفا والنسخة الجديدة اللي هتنزل على اليوتيوب هنعلي صوتها شوية لأني حابة أسمع صوتها أكتر مني، هنا جميلة جدا ومريم كمان وبيحبوا الفن ومجتهدين ورافعين راسي وأنا بحبهم أوي“.

آخر أعمال شيرين عبد الوهاب

وفي وقت سابق، احتفلت شيرين عبد الوهاب، عبر حسابها الرسمي بموقع تداول الصور والفيديوهات «إنستجرام» بالانتهاء من طرح جميع أغاني ألبومها الذي يحمل اسم «بتمنى أنساك» خلال الساعات القليلة الماضية، والذي حقق نجاحا كبيرا عبر المنصات الرقمية، بعدما حاولت روتانا حذفه عبر يوتيوب.