البهي يثير جدلاً واسعاً لنشره بوست منقول عن الدولار

أثار بوست منقول نشره الدكتور محمد البهي عضو هيئة المكتب التنفيذي باتحاد الصناعات المصرية عن الدولار الكثير من

الجدل والتعليقات . شهدت التعليقات ما بين رافض لسياسات الحكومة المالية والاقتصادية وأخرى متهم التجار وآخر

 وهذا ما نشره البهي :

♦عارف يا عزيزي ارثر صاحب الليالي المظلمة علي دماغك الدولار كان ب 40 قرش و 70 قرش ليه

عشان كنا بنلبس بيچامات كستور المحلة مش براند اديداس

و الكوتشي باتا مش بوما

بنشرب سبورت كولا و كندا دراي مش بيبسي … و بناكل ساندوتشات جبنة قريش مش ريكفورد .. و لحمة بالبصل عاادي  مش بيج تستي

كانت العربيات نصر و شاهين .. مش بنتعارك مع الحكومة عشان ننزل عربيات لو ضربت الاكصدام شلوت عفي هتنزله

فاكرين الصابون النابلسي اللي كنا بنبشره للغسيل .. ده كان تخصصي في البيت و انا صغيرة ارجع يوم الخميس من المدرسة عليا بشر الصابون … كان الغسيل زي الفل والله مش شاور چيل و داوني للغسيل

أنا مش ضد التطور و لا مواكبة العصر و الرفاهية …. انا ضد ان الرفاهية دي تبقا علي حساب مستقبلنا وعلي حساب هدم الصناعات المحلية

و هو ده اللي حصل

اتعودنا علي الكمبوت و الاديداس و البوما و خلاص مش قادرين ندفع تمنه ف حسينا بالفقر و العجز

هذا ما جناه علينا الانفتاح الغير مدروس و ما جنينا علي احد

📌 كل ما تبطل صناعة و تجري ورا المستورد كل ما الدولار يذلك أكتر

من 70 قرش لجنيه و 80 قرش في التمانينات

ليه يا عم

ما هو انت انسان عالة بطلت تصنع و عايز تعيش علي قفا منتج تاني ادفع بقاااا

هووووب في التسعينات جابوا ضرف الصناعات الوطنية

و سمعنا 3 و 4 و 5 جنيه للدولار

وكاااان مدعوم

انما سعره الحقيقي وقتها بدون دعم البنك المركزي كان 12 جنيه

يعني نط من 2 جنيه ل 12 جنيه عشان بقينا شعب عويل

انا اسفة

بس اعتمادنا حتي في اللقمة انها تتصنع في دولة تانية ده اسمه اييييه 🤷🏻‍♀🤷🏻‍♀

عايز تخلي الدولار يبطل يذلك

صنع .. انتج .. صدر ….. بس كده 🙌🏻🙌🏻

♦عشان كده انا ضد وقف أي مشروع قومي لأني عارفة انه مرتبط بالعودة للصناعة

و ضد وقف مشروعات البنية التحتية .. عشان دي جزء من العوامل البشرية لقيام الصناعة